Women

Numei Pawlpi Kumtawp Khawmpi 2021

Thupi : Lalpa diinga phatuamngai

Amun: NTBC Joutung

A ni : 12-14 November 2021

Numei Pawlpi Khawmpi Report

Pathian mapuui na leh kepbit na vaang in dt, 12 Nov 2021 Jingkal 06:50 am in Khawmpi mang ding in NTBCA Office apat kipan khia in, lamkal a bangmah buaisiatna umlo in,damtah in joutung khua nitahlam daah 03:00 in kitung hi.Khawmpi hoh teng teng ading khotual ten munkhat a ann ana huan khawm in, hutah a ann ne in, huchiin nitah kikhop daah 05:30 ahuntah in kipan thei hi. Tunkimzaan Nu Biakkim in mapuui in, Rev.LV Thanga Local Pastor in Khawmpi honna anei a houtupa Rev. P. Khamthianmang apat in Sermon Lalpa adiing a phatuamngai chih thupi tungtawn in ngaihkhiat in a um a huleh khochin apat palai report na jong a um hi.

Ajing ni 13 November 2021 kiginni, jingkal lam Daah 10:30 am in Palai Vaihawmna leh Lamkai ding Kitelna neih ahi a, Hutah a Thupuuhna umsa te etkiitna leh W/C te agenda genkhawmna akinei hi

Thupuuhna umsa te somtouh veh ahi a,W/C te agenda

1. Khawmpi umna mun ding khawmpi chiang in genfel hijel tahen chih thuluut umchu lemsah ahi a, kumkiit apat a zat touh ding a thupuuh ahi.

2. Numei pawlpi plot a Quater khat bawl beh ding project a neih hihen chih thuluut um chu, ngaihtuah khom ahi a, 2022 apat Project a neih ding alemsah ahi.

Agenda te genkhawmna leh Vaihawmna te zawh in lamkai ding Teelna in azuui ngal hi.

W/C ding a Teelthahte

1. Nu Chingngaihnem of Singngat

2. Nu Nemngaihching of Bible hill

3. Nu Kimkhanniang of Imphal ahi uhi.

Vaihawmna leh Election zoh in Sunnung daah 02:00 pm in Seminar neih ahi. Hi Seminar ah Nu Ngaineiching resource person in pang a huleh nuamtah leh lohching tahin Seminar akijouthei hi.

13 November 2021 zaan kikhopna a um thei kiit a, hutaha Nu Himpui W/C member in Mapuui in Houtupa Rev. Thangkhanlal Hangluah in Pathian thutah soina anei hi. Thanlon Numeipawl, Khuangnung Numeipawl, NuNgaihkim of Maukot apat in Pathian paahtawina phatnala ngaihkhiat ahi. Bible chang kidemna khua 7 apat in a um a, huzoh in Pastor Chinlamthang in haamteina in hunkhahna anei hi.

14th November 2021 Pathianni Suun Kikhopna Nu Kimkhanniang in mapuui in V. Munhoih numei pawl ten phatna lasah khawmna lapuuitu in pang uh a, Nu Hatneilam in hunpatna nei in Programme pat ahi. Numei pawl pamjaal apat in phatnala ngaihkhiat na aum a, Huzoh in Houtupa Rev Thangkhanlal Hangluah apat in tanchinpha ngaih khiatna kinei hi. Lapawl kidemna khua 6 apat a um a, huzohin Pastor Ginmung in Hunkhahna anei hi... Suunnung daah 02:00pm in nungaah Ngaizaching in Seminar hun la in nuam tah a neih kiit ahi.

A tawp zaan kikhopna ah Nu Lhingvaah in mapuui in, Nu Maanpi in hunpatna anei hi. Sumtuh Numei Pawl in Pathian paahtawi na laa sahna anei uhi. Huzohin Nungaah Zammuankim apat in jong khovel zohna chih laa ngaihkhiat na a um hi. Houtupa Rev.P.Khamthianmang in Tanchinpha soina anei a,Lalpa adiinga phatuamngai a natong ding, leia genthei in lungngai jong lei, vanlam kinepna inei uhi, huh kinepna tawh i hing ding uhi chiin hasotna anei hi.

Teelthahte latna Rev. Thangkhanlal Hangluah in anei a, Huzohin kipah thusoina Numei Pawlpi secretary apat in a um hi.. Khawmpi khaahna Pastor S. Khaizalal in anei a, Huchiin kum 2021 Numei Pawlpi Kumtawp Khawmpi chu Pathian zaal in khatvei zat zawh ahi ta hi. Lalpa’n loupina tang tahen... Amen.

Khawmpi sunga Pathian paahtawina phatnala kisa khia

Lapawl -6

Solo -4

Bible chang kidemna Kho -7 apat

Lapawl kidemna Kho -6 apat

Mizin paikhawmzah 180-200 kikaal

Anntangham hamtamte

1. Mangneiching Simveng Nouzah -2940

2. P.Chingzahat Simveng Nouzah -2928

3. Nemkhongai Simveng Nouzah -2452

Talent veipung tamte

1. Lamnem Simveng -Rs.17870/-